لونگ کے فوائد اور استعمال

 

لونگ کے فوائد اور استعمال

لونگ میں بہت سی طبی خوبیاں ہیں۔یہ محرک ہوتاہے۔تشنج اور اینٹھن کے دوروں کو کم کرتا

ہےاور معدے سےریاح کوخارج کرنےمیں مدد

دیتاہے۔ایورویدک طریق علاج کرنے میں لونگ

کو دواکے طور پرکئ صورتوں استعمال کیاجاتا

ہے جن میں جوشاندہ اور سفوف دونوں شامل ہیں

لونگ میں ایسے اجزاءپائے جاتےہیں جوخون کی

گردش کو مستحکم کرتے ہیں اور جسم کا درجہ حرارت برقرار رکھتے ہیں لونگ کا تیل بیرونی مالش کے ذریعے جلد کو نئ زندگی دیتا ہے۔اس کی مالش سے حدت اور سرخی پیدا ہوتی ہے۔ یہ مقوی معدہ،دافع تشنج،محرک جگراورگردہ ہے

قبض  کشا اور جلاب آورادویات میں اسے ملاکر

استعمال کرنے سے دیگر جلاب آورادویات کی طرح پیٹ درد نہیں ہوتا ۔لونگ سے نکلنے والا تیل بھی لونگ جیسے اوصاف رکھتا ہے۔تین سے پانچ بوند تک کھلانے پیٹ درد،اپھارہ،بدہضمی اورقےوغیرہ کو دور کرتا ہے۔

نظام ہضم کی خرابیاں

لونگ اینزائمز کا بہاو تیزکرتا ہے۔چنانچہ نظام ہضم بہتر ہوجاتا ہے۔اسےمعدے کی متعدد تکلیف اوربدہضمی میں بے تکلفی سے استعمال کیا جاتا ہے۔خشک لونگ کا سفوف شہد کے ساتھ ملا کر چاٹنے سے قے اور متلی رک جاتی ہے۔لونگ کابےحس کرنے کا عمل غذا کی نالی اور معدے کو سن کر دیتا ہے۔چنانچہ قے رک جاتی ہے۔

ہیضہ

لونگ کا استعمال ہیضہ کےتدارک میں بہت کامیاب ہے۔چارگرام لونگ اگرتین لیڑ پانی میں اس وقت تک ابالے جائیں کہ آدھا پانی اڑ جائے تو بقیہ پانی

کو گھونٹ پیا جائے تو ہیضہ کی شدید علامتیں ختم ہو جاتی ہیں۔

کھانسی

لونگ کا ایک دانہ خوردنی نمک (چٹکی بھر) کے ساتھ چبایا جائے تو بلغم کے اخراج میں آسانی ہو جاتی ہے۔ گلے کی خراش کم ہوجاتی ہےاور کھانسی رک جاتی ہے۔حلق کی سوزش بھی اس سے ختم ہو جاتی ہے۔حلق کی سوزش اور بلغم کے اجتماع سے پیدا ہونے والی کھانسی کے علاج کےلئے جلاہوا لونگ چبانا بھی اکسیر ہے۔

لونگ کے تیل کےتین سے پانچ قطرےشہداورلہسن

کی ایک تری ساتھ کھاناانیٹھن والی کھانسی کی اذیت سےنجات دلاتاہے۔یہ کھانسی تپ دق ،دمہ اور پرونکائٹس میں ہوتی۔یہ دوا روزانہ ایک بار رات کو بستر پہ جانے سے پہلے استعمال کرنا چائے۔

دمہ

لونگ دمہ کا بھی موثرعلاج ہے چھ عدد لونگ 30 ملی لٹر پا نی میں ڈال کر ابا لنے سے جو شاندہ تیار ہو جا ئے گا ۔ اس میں ایک چمچہ جوشاندہ روزانہ تین بار پینے سے بلغم کا اخراج تیز ہو جاتاہے اور دمہ سے افاقہ ہوتاہے۔

دانتوں کی بیماریاں

دانت میں درد میں لونگ کا استعمال درد کافور کر دیتاہے ۔اس کے جراثیم کش اجزاء دانتوں کی انفکشن بھی ختم کر دیتے ہیں۔متاثرہ دانت کے خلا میں لونگ کا تیل لگانے سے بھی درد ختم ہو جاتاہے۔ لونگ چوسنے سے بھی گلےکے امراض میں افاقہ ہوتاہے

کان کا درد

ایک لونگ کا دانہ تلوں کے تیل میں(ایک چائے کا چمچہ)گرم کرکے تین سے پانچ قطرے کان میں ڈالنے سے کان کا درد ختم ہو جاتاہے۔

پٹھے چڑھنا

متاثرہ حصہ پر لونگ کے تیل کاپلٹس استعمال کرنے سے چڑھے ہوئےپٹھے ڈھیلے پڑ جاتے ہیں۔

سردرد

نمک ،دودھ اور پسے ہوئےلونگ کا لیپ پیشانی پر لگانے سے سردرد کا خاتمہ ایک پرانا ایک پرانا گھریلو ٹوٹکا ہے۔نمک رطوبت کشید کر کے تناو کم کرتا ہے۔

گوھانجنی(پیوٹے کی غدود کی سوزش)

آنکھ کےپپوٹے پر نکلنے والے دانے (گوھانجنی)

کا بہترین علاج لونگ ہے۔لونگ کا ڈنٹھل پانی میں گھس کر گوھانجنی پر لگانے سے آرام ملتا ہے۔

دیگر استعمال

لونگ کا استعمال کھانوں اور پکوانوں میں بہت عام ہے۔اسے پانی سپاری میں بھی استعمال کیا جاتا ہے۔لونگ کا تیل خوشبو،نہانے کے نمک،عام ادویات اور دانتوں کی ادویات میں شامل کیا جاتا ہے۔لونگ کے تیل کوتلوں کےتیل میں ملا کر ریح کی دردں والی جگہ پر ملنے سے فائدہ ہوتاہے۔بخارکےبعد لونگ چرائناملا کر مریض کو کھلانے سے بھوک جلدبڑھ جاتی ہے۔اور مریض کی کمزوری جلد رفع ہو جاتی ہے۔لونگ مقوی باہ ہے۔اعصاب کوبھی طاقت دیتاہے۔